حتى يوم يخب عليه

ماراح أتكلم وابد عن هاليومين وفرحة الناس فيهم ...

لان الإخوان والخوات في المدونات ماقصروا ..

ولكن اعتب على اللي يخصص 24ـ25 فبراير فقط (للفوم) والأغاني الوطنية ..

المفروض الدولة تخصص أنشطة ثقافية تبين أهمية استقلال وتحرير الكويت تحاكي جميع الفئات من الأطفال عن طريق مسرحيات أو كرتون ..

أو للشباب عن طريق فعاليات او معارض ...

******

قعدت من النوم وابتديت روتيني بقراءة جم جريدة وطبعا لازم يطلع لنا جم واحد يسم بدنا ..

مثل الأخ (....)

كنت اعذر الأشخاص اللي تسمي العيد الوطني باليوم الوطني من باب حرية الرأي ..

ولكن وصلت لدرجة حتى كلمة يوم مستخسرها !!!

أظن حتى طويل العمر Google طلع وطني أكثر منك ..

سؤال عرفتوا من هالكاتب :)

الرجاء وضع الإجابة في الصندوق المخصص ويكن تربحون معانه برنامج تلفزيوني أو زاوية في صحيفة أو على الأقل ندوات دينية ..

وطبعا كل هالامور من فلوس ناقلاتنا ...

آسف صاحبنا طلع براءة ومو بايق شي ..

******

الله يعطيني طول البال على الأشكال اللي ماتطلع إلا وقت المسيرات

******

اللهم

ارحم شهدائنا

مايكل حي ما مات

صدمت بل ذهلت مما رأيت هذا المساء من لقاء المغني مساري العفاسي اسف اقصد مشاري ....

ما عدت افرق أصلا ...

أقولكم ليش ؟

الأخ مسوي لقاء بالوطن بالمسرح والمقدم كان شاعر إماراتي

اللي صار الاثنين الحبايب مسويين ديتو كل واحد يقول مقطع

ماشي للحين مافيها شي

بس الجمهور يصفق أكثر من عشرين مره طول اللقاء زائد تسمع ناس تصفر جنه القادسية حاطين Goal وفوق هذا تسمع أصوات المؤمنات المستورات يصرخن كما هو الحال في حضور الفنان عبدالله رويشد ....

فوق هذا الكورال والموسيقى

يا جماعة والله اطربت كنت مفكر اسمع أغنيه حق ميادة الحناوي بس من شفت الأخ قلت خل تولي خل ارفع الجو مع العفاسي ROCK&ROLL

واللي زاد الطين بله وخل البوهه تطقني الأخ يقول المفروض العمل الإسلامي مايكون (cheap) الظاهر وايد يقعد مع المؤمنات ب costa

يخرب بيتك زين مابي اعلق زود أخاف على أخلاقي و أنا راقي بأخلاقي J

..........................................

وثاني شي ابي اعرف اشلون يصير المسرح اللي شال اليسا وميريام فارس

وباجي الربع

مثله المسرح اللي يشيل نبيل العوضي والعفاسي

مو جنه مايصير لان صارت ساعة لربك وساعة لنفسك !!!

ليش ماوقف الأخ القديس نبيل وقال اللي يصير في هذا المسرح فسق وفجور

وما نط وطمر الطبطبائي وقال نبي ضوابط للحفلات

وما لعلعت اللسنة وحناجر باجي الشلة تطالب بحضر حضور الفنانين

السبب معروف كلهم يكتبون عند المعزب العود

واكل العيش يحب الخفية ياروح ماما

*ليمن اقول القاعدة الأولى عند المتأسلمين اهي الغاية تبرر الوسيلة قولوا صحيح يا باشا بوذياب

****

Update 9\2\2010

صرح العضو وليد الطبطبائي تصريح اقل مايوصف انه خجول اكثر من خجل البنت يوم خطبتها وبكلمات منمقة ومهذبة مبتعدا عن الصراخ والعويل ...

عشان ابري ذمتي وما اهضم حق المسيكين

http://www.alaan.cc/pagedetails.asp?nid=46762&cid=30

where's the point

أمس كنت بمطعم في احد المجمعات وحدثت بيني وبين waitress حوار لا يتعدى الدقيقة ..

من هالدقيقة طلعت بنتيجتين ...

أقولكم الحوار .. طبعا عقب ماطلبت J

Waitress : ابي اسأل في سينما في هالمجمع ؟

بوذياب : أي في .

Waitress : بس اشلون سمعت يفصلون الرياييل عن الحريم ؟

بوذياب : لا يفصلون العوايل عن الشباب .

Waitres : انزين إذا معاي الboyfriend يقعد يمي .

بوذياب : (قلت بقلبي يعني اشلون بيعرفون أن هذا boyfriend ) أي عادي يقعد يمج دام couples ... شنو انتي يديدة بالكويت ؟

Waitres : لا صارلي سنتين .

........

النتيجة الأولى أن بعض المقيمين ماعندهم وقت تفتر مثل وايد من الكويتين وتعرف اصلا شنو بالمجمع اللي اهي تشتغل في من سنتين .

النتيجة الثانية : يخرب بيتكم من اعضاء مجلس امة ومن المتدثرين بغطاء الدين اللي خليتو الناس تفكر ان كل شي مفصول ..

اللي اعرفه ان اساس الدين حسن الظن والثقة مو كل شي حرام وفصل ومايجوز ..

والحين صار المجمع والدين الاساس في التحريم والمنع .... احنه شعب مهضوم نحتاج اوصياء علينا ..

*********

ومثل اليوم دخلت فلم up in the air ..

الفلم باختصار روعة يتكلم عن العلاقات الانسانية .. وفلسفة شخص يحب يعيش بروحه ويمر بعلاقات عابرة مع الناس .. وكيف يعيش على حساب طرد الناس من وظايفهم