أحدٌ .. أحدْ

من يذكر مشهد فلم الرسالة عندما يضرب احد كفار قريش بلال وهو مقيد ويصرخ ( أحدٌ .. أحدْ )

خطر على بالي وأنا استمع ل ( روبن هود ) القادسية ..

الأخ اللي يبي يمشي (ويلسب) خلق الله .. و يشقح أطوف

عادي اخو من قبله لسب ميزانية وزارة ..

بس للأمانة اخو حنون أكثر منه ..

صاحبنا اللي كان قبل يكسر بيوت و يشقح طوف ..

يقول والعهدة على جريدة الوطن

الحلو بالخبر السابق ان عرفنا ان ابناء الشهيد , كلهم قاعدين يبنون بيوت , كنت متوقع انهم ناطرين بيت حكومة .

*****

والحالة الثانية هي للشيخ (القصاب) صباح الناصر الصباح ..

اللي ياب العيد بمداخلته مع Larry king ..

شفتوا شلون شيخنا العزيز كان مغمور وحتى جيرانه ما يعرفونة والحين حتى يدتي تعرفه ..

شيخنا العزيز زمن الفداوية راح ,, وزمن الخيازرين توفى ,, وإذا فيك خير اطلع لي بالهدة :) ...

يقول حق هلال الساير فشلتنا .. والاخ فضحنا جدام خلق الله وبين ان شيوخنا قصاصيب ..

ويقول عندنا كل خير بالكويت ... والدليل ان شيخنا العزيز مرتز بره وينزل بحسابة 1000 دينار شهريا بس غير الراتب .. اللهم لا حسد

يقول خل الناس تمدحك ماتذمك .. اقضب مينونك بس

يقول قصرنا باليرموك يم بيتك .. لول قصر بس مو وايد .. أقول اشفيها بيوت الوفرة .. كل جرذي جنه أسد

يقول تره أنت يمنا يا هلال .. رحت فيها راح ينادي طلال الفهد ويشقحون بيتكم ويلسبونك

الله يرحمك اذا شفتك جدامي .. الريال قصدة شريف

شيخنا المرعب صباح الناصر تكفة لا تتصل تال الليل عشان لا يخترب جوك .. لان إذا راحت السكرة .. يات الفكرة وتتوهق

***

هذا الفيديو اههداء لكم ..

الفال لنا :)

****

أم صدة لصاحبها نيو

مو بكيفك تترك التدوين

ضحكة النيباري

في إحدى الأزمنة الغابرة و وبالتحديد في دورة من دورات مجلس امتنا الأغبر ....

يحكى والعهدة على الراوي ...

مواطن بسيط بالكاد يعرف يفك الخط ..

ولكن حلمه كبير وهو أن يدخل مجلس الأمة ...

طبعا هذا الحلم ليس بالكبير على شخص ينتمي لقبيلة او عائلة كبيرة ...

أخونا دخل انتخابات فرعية أو تشاوريه ونجح فيها ...

وتبارك مجلسنا الميمون بدخول هذا النائب ..

في أول يوم له بالمجلس شاف النيباري أيام عزه قاعد يتكلم ... فا استانس عليه ... ( لاحظ ان حتى ماكان يعرف منو هذا )

وقال خلاص بروح اقعد يمه إذا واتتني الفرصة ...

ما صدق خبر وقام وقعد يمه ....

وسولف اشوي معاه وابتسم له النيباري ..

اشوي ومن غير سابق ميعاد ..

دنى منه رجل مهيب ذو وقار ومن الآخر يخرع ...

قال له تره فلان يبيك بالمكتب ..

الرجال ماجذب خبر وطار عنده ..

ودار الحوار التالي ...

العضو : هلا طال عمرك طالبني .

فلان : أنت شنو مقعدك عند النيباري ؟

العضو : ما كنت اعرفه شفته يتكلم و استانست عليه .

فلان : أنت من ربعنا ولا تقعد يمه مره ثانيه .

العضو : إن شاء الله طال عمرك .

فلان : خلاص الحين مر السكرتارية لك شغة عندهم .

العضو مر السكرتارية جان يسلمونه شيك بالضبط عشرة آلاف دينار ..

عضونا المحترم طقته البوهه وقال : ضحكة النيباري تساوى عشرة آلاف .

اتوقعون القصة صجية او انا قاعد اقط خيط وخيط ؟