Monday, May 17, 2010

ضحكة النيباري


في إحدى الأزمنة الغابرة و وبالتحديد في دورة من دورات مجلس امتنا الأغبر ....

يحكى والعهدة على الراوي ...

مواطن بسيط بالكاد يعرف يفك الخط ..

ولكن حلمه كبير وهو أن يدخل مجلس الأمة ...

طبعا هذا الحلم ليس بالكبير على شخص ينتمي لقبيلة او عائلة كبيرة ...

أخونا دخل انتخابات فرعية أو تشاوريه ونجح فيها ...

وتبارك مجلسنا الميمون بدخول هذا النائب ..

في أول يوم له بالمجلس شاف النيباري أيام عزه قاعد يتكلم ... فا استانس عليه ... ( لاحظ ان حتى ماكان يعرف منو هذا )

وقال خلاص بروح اقعد يمه إذا واتتني الفرصة ...

ما صدق خبر وقام وقعد يمه ....

وسولف اشوي معاه وابتسم له النيباري ..

اشوي ومن غير سابق ميعاد ..

دنى منه رجل مهيب ذو وقار ومن الآخر يخرع ...

قال له تره فلان يبيك بالمكتب ..

الرجال ماجذب خبر وطار عنده ..

ودار الحوار التالي ...

العضو : هلا طال عمرك طالبني .

فلان : أنت شنو مقعدك عند النيباري ؟

العضو : ما كنت اعرفه شفته يتكلم و استانست عليه .

فلان : أنت من ربعنا ولا تقعد يمه مره ثانيه .

العضو : إن شاء الله طال عمرك .

فلان : خلاص الحين مر السكرتارية لك شغة عندهم .

العضو مر السكرتارية جان يسلمونه شيك بالضبط عشرة آلاف دينار ..

عضونا المحترم طقته البوهه وقال : ضحكة النيباري تساوى عشرة آلاف .


اتوقعون القصة صجية او انا قاعد اقط خيط وخيط ؟

9 comments:

  1. لا بس فيها نوع من الصجية

    ReplyDelete
  2. طبعا سالفة صجية ومو بعيدة عن الواقع الكويتي ...ولا عيل شيايبنا ورا والديمقراطية صار لها دهر

    ReplyDelete
  3. اي يصير خو مجلسنا مجلس العجايب

    اذا قاموا يسوون حفلاتهم وعشياتهم بالمجلس
    ماقمت استبعد شي!

    ReplyDelete
  4. يا معود وينه خل نقعد يمه :))

    الله يكثر من امثال النيباري

    ReplyDelete
  5. هذا النيبارى إلى يوم الحكومة تقول خلنا انثمن قرطبة او نسويها مثل العديلية او الخالدية......؟؟؟
    بلعضر يضحكككك.......!!!! الله كريم

    ReplyDelete
  6. اىىىىى قال هذا تنفييييييييييع..... من جذى يضحك

    ReplyDelete
  7. الشايب اللي قعد عند النيباري شكله عارف السالفة كلها

    بس يستعبط و يبي يحلب الحكومة من غير ما يصطدم وياهم و يزعل الشيوخ الله يحفظهم

    يسوق الهبل ع الشيطنة على قولة المصريين هههههه

    ReplyDelete
  8. انته تلعب بالنار ;Pp

    ReplyDelete
  9. يا جماعة الخير الموضوع ومافيه اني مفلس وقلت يمكن يحوشني طشار جم الف بس :)
    واللي عطاهم بالملاس يعطينا بقفشة جاي الصغيرة

    ReplyDelete